有日失驚無神聽返軟硬首老人院。有無人留意首歌此句歌詞？

「大疊摩登rave仔rave女個個去哂rap」

Rave仔Rave女係乜，唔使再寫，只要google下就了解。反而點解rave仔rave女要去晒rap呢？以我記憶，當年Rave仔Rave女當道時，hip hop絕對唔在潮流當中。那時Rave仔Rave女的501加狗牙底都睇唔見任何hip hop風。

究竟點解rave仔rave女個個去哂rap？

我一直有個心結，唔通佢哋講緊荷李活中心間RAP？當年，唱片店MONITOR曾係新荷李活中心，而係同層有間縮咗入角落叫做RAP嘅本地男裝時裝店。果陣香港第一代潮流達人介紹過，小弟都有去過及買過件褸。

RAP嘅衫褲都係有型簡約款，類似JIL SANDER果類。不過啲衫係點已印象模糊，反而最記得那兩個老闆，都係剪skinhead的！自此我就成日想學佢哋剪skinhead，但又一直唔識點同飛髮佬講。

今日諗返，同性戀美學可能就係當日種咗我入面。