Design Education for Public

Upcoming Events
Upcoming Events

@CentralSaintMartins

@CentralSaintMartins
學子
 | 2021.11.23

設計愛好者，認同宇宙萬物都與設計有關。香港教育制度非典型變種，研習學海無涯數十載，經歷兩幼稚園、四小學、五中學、五設計學院、十餘海內外設計機構，兩文三語四地。被教經驗豐富，渴望久病成醫，不明則問，不平則鳴，不恥則笑。實踐與論述不是二元的，概念與工藝缺一不可。Full-time 燃點光明； Part-time 咒詛黑暗。

呢度有好多 Central Saint Martins students 喔！ 回想十六七年前開始用筆名「Central Saint Student」寫 blog，嗰陣返嘅校舍係响 Holborn 嘅 Southampton Row。今日唔少舊師生都好懷念舊校舍（尤其 fashion 同 fine art 友懷念 Charing X）嗰陣除，就好似 PolyU 設計學院响 Zaha 幢嘢嘅舊人懷念 Core A 一樣。但有時都唔可以一味回味，學習擁抱新事物新景象，都可以發現好多正嘢。畢竟，好多嘢都返唔到轉頭。 「中央聖學子」嚴格上嚟講係响英國倫敦出世。冇留學嘅衝擊，我諗我响香港做多廿年設計都唔會有呢下變種。土壤有時真係比一切硬件重要。思想自由文化多元加上接受能力高，可以激發創意，孕育新觀點新做法。限制思想文化單一加上保守驚青怕失敗，可以扼殺創意，繼而只有唯唯諾諾塘水滾塘魚。 「世界好大」呢句話我日日同自己講，間中亦會同年輕一輩講。體會過唔同文化後，慢慢覺得有好多好多嘢都唔係得「香港嗰種方式」先叫做「正常」，先叫做「好」。有時香港嘅「日常」——細心諗下——其實好怪。 同英國朋友分享自己嘅 portfolio，當中包括《中央聖學子》呢個被少撮人譽為「搞事、垃圾、非實事」嘅 self-initiative project，佢哋都二口同聲話呢啲 work 先至有趣，先至獨特。靚靚、時尚嘅傳統設計好嘢唔係唔重要，但相對成熟嘅文化社會，都傾向 push the boundaries，期望一啲未曾開發嘅領域被開發，一啲未有太多人講嘅範疇被談論。棱角係好嘢嚟，太圓滑真係好撚柒鳩悶呢！ 自信地不隨波逐流成為異類係需要勇氣的。跳出文青安舒區，核核突突做自己，或者先有機會真真正正做番個 designer / creative person。我覺得。 

 🙂



Read More
Central Saint Martins London 中央聖學子 學子 英國

都會大學撈稿更新

都會大學撈稿更新
學子
 | 2021.06.28

設計愛好者，認同宇宙萬物都與設計有關。香港教育制度非典型變種，研習學海無涯數十載，經歷兩幼稚園、四小學、五中學、五設計學院、十餘海內外設計機構，兩文三語四地。被教經驗豐富，渴望久病成醫，不明則問，不平則鳴，不恥則笑。實踐與論述不是二元的，概念與工藝缺一不可。Full-time 燃點光明； Part-time 咒詛黑暗。

香港都會大學新撈稿棄用由素人設計嘅設計比賽冠軍作品（左上），選用本地設計大師陳先生（陳幼堅 Alan Chan）操刀嘅「mu」，今日面世。

//
新校徽採用大學新名稱的英文縮寫（HKMU）的其中兩個英文字母「M」及「U」，「M」代表「我」即學生，而「U」代表「你」，泛指圍繞學生的一切，包括朋輩、老師、社群、社會等。
//

嗱，都係嗰句，一個標誌代表乜乜物物唔係創作者或該機構嘅新聞稿說了算，一切… … 係一切都係視乎個 brand 往後嘅所——作——所——為——。Brand Identity 係一點的話，Brand Building 就係點、線、面、立體，係一個要時間去 develop 嘅過程。（設計師唔應該太沉迷/停留响「撚 graphic」水平。我覺得。）

朋友想指出，「香港都會大學」六隻字疑似由金萱字體修改而成，怪位係——將本來視覺平行左右不對稱（asymmetrical）嘅筆劃硬生生地改為對稱（symmetrical）。Unique 咗，但可以話錯晒。🧐

網上火速幫新撈稿玩尋親，結果澳門大學（University of Macau）同耶加達地鐵（MRT Jakarta）脫穎而出。相信設計團隊睇到一定好感動🥺。嗱，公平啲講，同某某地區嘅地鐵撞樣或撞橋，罪不置死嘅。但同隔籬特區同級學府 share 差不多嘅 wordmark，就有點兒尷尬。😅

撈稿設計係難做嘅。好設計反映機構水平同管理質素。有時都唔係下下要用好設計嘅。🙂

News:
Read More
Branding Graphic Design Identity Design Logo Design 中央聖學子 學子 陳幼堅 香港都會大學

學習 Steiner [上]

學習 Steiner [上]
學子
 | 2021.05.05

設計愛好者，認同宇宙萬物都與設計有關。香港教育制度非典型變種，研習學海無涯數十載，經歷兩幼稚園、四小學、五中學、五設計學院、十餘海內外設計機構，兩文三語四地。被教經驗豐富，渴望久病成醫，不明則問，不平則鳴，不恥則笑。實踐與論述不是二元的，概念與工藝缺一不可。Full-time 燃點光明； Part-time 咒詛黑暗。

到過位於調景嶺 HKDI 嘅「石漢瑞的圖語世界 Look: The Graphic Language of Henry Steiner」展覽兩次，感受幾深。想寫低一啲筆記去提醒自己應該點樣去繼續向 Henry Steiner 呢位大前輩學習。同時又想同大家分享一下，希望當大家談及石老嘅時候唔會停留於「#很美喔」層次。甚麼「香港設計之父」、「中西合璧」、「West Meets East」、「個 style 好 modern」、「很 Paul Rand」、「啲設計好美國」、「有啲老套」… … 等等，都相當膚淺，冇乜營養。我好想自己細心品賞個展覽嘅內容離開展廳後，會有啲嘢袋落袋，有啲進步。

展覽較後空域，有個電視螢幕，不斷 loop 一條大概六分鐘嘅訪問片段。係 Sandy Choi 同 Jonathan Mak 嘅一個訪問，兩位我十分喜歡嘅本地平面設計師，睇咗兩三次。有唔少提醒嘅。

响我文字分享之前，想大家花幾分鐘睇睇現時得一百幾十 views 嘅三條 YouTube 片。（唔係 content farm 呀。）


石漢瑞對今日設計師有何影響？

 
 

解讀「設計98展」海報

 
 

關於借用別人的素材發展創作意念

 
 


石漢瑞的森澤字體海報：向書法家致敬？

 
 

唔是廣告喔。謝謝收看。下一篇再講。

Read More
Graphic Design Henry Steiner Interview Jonathan Mak Sandy Choi 中央聖學子 學子