Blog Posts | Central Saint Student

學子開始响英國搞事

| 2021.12.19

設計愛好者，認同宇宙萬物都與設計有關。香港教育制度非典型變種，研習學海無涯數十載，經歷兩幼稚園、四小學、五中學、五設計學院、十餘海內外設計機構，兩文三語四地。被教經驗豐富，渴望久病成醫，不明則問，不平則鳴，不恥則笑。實踐與論述不是二元的，概念與工藝缺一不可。Full-time 燃點光明； Part-time 咒詛黑暗。

早前朋友告知，英國 visual artist David Shrigley 第八個個人展覽响 Mayfair 舉行，內容同佢著名嘅幽默怪雞畫作截然不同——成千上萬個嶄新網球滿佈展場牆壁，邀請參觀者以交換舊網球方式作互動。咁有趣嘅 idea，即時引起學子性趣！

睇番 Stephen Friedman Gallery 官網條片，Shrigley 原意係諗住「舊波換新波」，但世事又點會咁如人意。目測在場參與者嘅「作品」都多數唔係舊/殘波咁簡單，創意之豐富實在令整件事更有趣。

有個咁有趣嘅 brief，我當然唔會放過搞事嘅機會啦。雖然《港区国安法》覆蓋全宇宙，但既然呼吸緊自由嘅空氣，點都要行駛使一下言論自由嘅權利，貼題地關心一下世界，為不平事發一發聲。

David Shrigley Exhibition Stephen Friedman Gallery Visual Art WhereIsPengShuai 學子

@CentralSaintMartins

學子

| 2021.11.23

呢度有好多 Central Saint Martins students 喔！回想十六七年前開始用筆名「Central Saint Student」寫 blog，嗰陣返嘅校舍係响 Holborn 嘅 Southampton Row。今日唔少舊師生都好懷念舊校舍（尤其 fashion 同 fine art 友懷念 Charing X）嗰陣除，就好似 PolyU 設計學院响 Zaha 幢嘢嘅舊人懷念 Core A 一樣。但有時都唔可以一味回味，學習擁抱新事物新景象，都可以發現好多正嘢。畢竟，好多嘢都返唔到轉頭。「中央聖學子」嚴格上嚟講係响英國倫敦出世。冇留學嘅衝擊，我諗我响香港做多廿年設計都唔會有呢下變種。土壤有時真係比一切硬件重要。思想自由文化多元加上接受能力高，可以激發創意，孕育新觀點新做法。限制思想文化單一加上保守驚青怕失敗，可以扼殺創意，繼而只有唯唯諾諾塘水滾塘魚。「世界好大」呢句話我日日同自己講，間中亦會同年輕一輩講。體會過唔同文化後，慢慢覺得有好多好多嘢都唔係得「香港嗰種方式」先叫做「正常」，先叫做「好」。有時香港嘅「日常」——細心諗下——其實好怪。同英國朋友分享自己嘅 portfolio，當中包括《中央聖學子》呢個被少撮人譽為「搞事、垃圾、非實事」嘅 self-initiative project，佢哋都二口同聲話呢啲 work 先至有趣，先至獨特。靚靚、時尚嘅傳統設計好嘢唔係唔重要，但相對成熟嘅文化社會，都傾向 push the boundaries，期望一啲未曾開發嘅領域被開發，一啲未有太多人講嘅範疇被談論。棱角係好嘢嚟，太圓滑真係好撚柒鳩悶呢！自信地不隨波逐流成為異類係需要勇氣的。跳出文青安舒區，核核突突做自己，或者先有機會真真正正做番個 designer / creative person。我覺得。

Central Saint Martins London 中央聖學子學子英國

地球拯救隊

觀。鳥。家

| 2021.06.02

中國籍男子，瘦削身材，畢業於聖芳濟各英文小學。

https://unwire.hk/2021/06/01/ecobrandinglogo/life-tech/

假若是單真新聞，唔係 fake news，真想屌死班左膠撚。

啲環保柒頭咪再成日想埋啲 on9 主意諗住拯救地球，好心啦福心啦。將世上所有印刷品轉晒黑白好冇？將個避孕套洗完再用好冇？班友仔成日閂埋門個腦自己打飛機，射出唻啲晶自己吞返就最好，咪浪費。啲晶製造唔使能源呀？！

依庭友仔肉麻當有趣，常做埋啲怪事搏出位。啲白痴傳媒跟手報道，搞到浪費咗幾秒鐘來讀，唔知浪費幾多度電。

做人踏踏實實、做好手頭嘅設計、做個好人，就是唔浪費。唔浪費你嘅人生呀柒頭！

地球唔駛你出主意來拯救㗎。

Image source: https://ecobranding-design.com/ecobranding/

Branding Eco-friendly Graphic Design 左膠觀。鳥。家觀鳥家

返屋企摺埋

觀。鳥。家

| 2021.05.08

中國籍男子，瘦削身材，畢業於聖芳濟各英文小學。

當睇法跟年輕一代不同，就覺自己變老。

Youtube 有條 UNIQLO x JW ANDERSON 新季衫褲推介影片。條片是位大隻仔製作。此兄台講到係威係勢指點江山咁款，但睇佢身型 fit 到漏油，大大舊溝死仔，着上 UNIQLO x JW ANDERSON 衫褲帶點滑稽味道。莫非家陣咁樣的片都有人追看？雖則內容有可取處，但睇到人好尷尬。

另一事。睇連登話林家謙天上有地下無，香港新希望。搞到小弟心癢癢有反應，去搵歌曲聽下。真心，聽後不覺林家謙嘅歌有乜特別，只係較有質素流行曲。

再之前嘅《新喜剧之王》，果時覺套戲十分唔錯，以商業片來說絕唔失禮。但不知點解，《新喜剧之王》又被踩到體無完膚。套戲真咁差？

日積月累，我開始信心動搖。是我品味出錯？還係世界變了？唯一可做，係返屋企摺埋出少句聲。

我同來自人間嘅朋友常講，依家學識收聲好緊要。

JW Anderson Uniqlo 品味林家謙觀。鳥。家觀鳥家

到過位於調景嶺 HKDI 嘅「石漢瑞的圖語世界 Look: The Graphic Language of Henry Steiner」展覽兩次，感受幾深。想寫低一啲筆記去提醒自己應該點樣去繼續向 Henry Steiner 呢位大前輩學習。同時又想同大家分享一下，希望當大家談及石老嘅時候唔會停留於「#很美喔」層次。甚麼「香港設計之父」、「中西合璧」、「West Meets East」、「個 style 好 modern」、「很 Paul Rand」、「啲設計好美國」、「有啲老套」… … 等等，都相當膚淺，冇乜營養。我好想自己細心品賞個展覽嘅內容離開展廳後，會有啲嘢袋落袋，有啲進步。

展覽較後空域，有個電視螢幕，不斷 loop 一條大概六分鐘嘅訪問片段。係 Sandy Choi 同 Jonathan Mak 嘅一個訪問，兩位我十分喜歡嘅本地平面設計師，睇咗兩三次。有唔少提醒嘅。

响我文字分享之前，想大家花幾分鐘睇睇現時得一百幾十 views 嘅三條 YouTube 片。（唔係 content farm 呀。）

石漢瑞對今日設計師有何影響？